Published on: 05 March 2015

Toyota -მ განაახლა Auris -ი და Avensis -ი

Toyota -მ შეასრულა თავისი დაპირება და ჟენევის ავტოსალონში ორი ავტომობილის პრემიერა გამართა, ესენია Auris -ი და Avensis -ი. ორივე მოდელი გამოიყურება შედარებით სპორტულად და მკაცრად, მათ მიიღეს თანამედროვე LED ოპტიკა და გაუმჯობესებული სალონი. განსაკუთრებული ცვლილებები შეეხო ავტომობილის ძრავებს.

მაშ ასე, რაც შეეხება კომპაქტურ Auris -ს, ავღნიშნავთ ახალ ბამპერს, სახურავზე დამაგრებულ “ანტენასა” და ქრომირებული ნაწილების მომატებას. სალონში გაუმჯობესდა ხმის იზოლაცია, გაჩნდა 4,2 დიუმიანი TFT მონიტორი, ხოლო თანამედროვე მატერიალების წყალობით ტორპედო უფრო მიმზიდველი და ლამაზი გახდა.

ახალ ძრავებს შორის გამოსარჩევია 1,2 ლიტრი მოცულობის მქონე ბენზინის ეკონომიური ძრავა, რომელიც ანვითარებს 114 ცხენის ძალას. 2,0 ლ D-4D ძრავა სიაში აღარაა, სამაგიეროდ დაემატა 1,6 ლიტრიანი, 110 ცხენის ძალის მქონე ტურბოდიზელის ძრავა. ყველაზე პატარა 89 ცხ.ძ. მქონე დიზელის ძრავა პასუხობს ევრო-6 -ის სტანდარტებს.

2016 წლის ოჯახურმა სედანმა Avensis -მა განიცადა მსგავსი ცვლილებები: უფრო მეტი ქრომი და შუქდიოდები, უფრო მოსახერხებელი ხელსაწყოების პანელი. ძრავების ხაზმა აქაც მსგავსი ცვლილებები განიცადა, მაგრამ 2,0 ლ. დიზელი არ ამოუღიათ, პირიქით ჩანაცვლეს 141 ცხ.ძ. -ის მქონე ვერსიით. ველოდებით ავტომობილების ფასებს, მანამდე კი შეაფასეთ მათი ვიზუალური მხარე და გაუზიარეთ მეგობრებს.