Published on: 19 April 2017

BMW AG -ს თანამშრომლები გაიფიცნენ

დიდ ბრიტანეთში BMW AG -ს თანამშრომლები გაიფიცნენ, მსგავსი ფაქტი 20 წელზე მეტია არ მომხდარა. საქმე ეხება კონცერნში მომუშავეთა საპენსიო ფონდში განხორციელებულ ცვლილებებს. როგორც Unite -ს პროფკავშირი იტყობინება, ეს აქცია რვა სერიდან პირველია, შემდეგი 23 აპრილს გაიმართება.

მოცემულ მომენტში კონცერნის სამ ქარხანაში წარმოება არის შეწყვეტილი, სადაც ხდებოდა Mini -ს ავტომობილებისა და ავტონაწილების გამოშვება. ვრცელდება ინფორმაცია, რომ გუდვუდში არსებულ ქარხანაში, სადაც მიმდინარეობს Rolls-Royce -ს ავტომობილების წარმოება, მუშები გაფიცვაში არ მონაწილეობენ. თუმცა საპროტესტო აქციაში მონაწილეობას ისინი მაისის თვის დასაწყისში მიიღებენ.

BMW -ს ხელმძღვანელობამ პროფკავშირის წარმომადგენლებს მოლაპარაკების მაგიდასთან დაჯდომისკენ მოუწოდა. ერთ-ერთ გაფიცულ ქარხანაში, რომელიც კოულში მდებარეობს, დღეში ათაზე მეტი Mini -ს ავტომობილი იწყობა, შესაბამისად მომხდარი კონცერნს გეგმიდან ჩამორჩენაში შეუწყობს ხელს.

მომუშავეთა უკმაყოფილება კონკრეტულად გამოწვეულია იმით, რომ BMW -მ საპენსიო სქემაში ცვლილებები შეიტანა, რამაც ზოგიერთი თანამშრომლის საპენსიო ფონდი შესაძლოა დაახლოებით 160 000 ფუნტით შეამციროს. გაფიცვაში მონაწილეთა საერთო რაოდენობა 3500 ადამიანს მიაღწევს.

თეგები: bmw, BMW AG, mini, გაფიცვა, საპენსიო ფონდი