Published on: 06 February 2015

volkswagen -მა ბაზარზე Caddy -ს ახალი თაობა გამოიყვანა

პოლონეთში მდებარე Volkswagen -ის ქარხანაში გაიმართა მეოთხე თაობის ახალი მინივენის Caddy -ს პრეზენტაცია. საუბარია მსუბუქ რესტაილინგზე. დიზაინერები შემოიფარგლნენ იმით, რომ შეცვალეს წინა და უკანა ოპტიკის ვიზუალი, ბამპერისა და უკანა სატვირთო კარების გაფორმება.

ფურგონის შიგნითა ნაწილში ცვლილებები გაცილებით მეტია. აღსანიშნავია შეცვლილი საჭე, ახალი ინსტრუმენტების პანელი. მეტალის აქცენტების საშუალებით სალონი გამოიყურება გაცილებით მდიდრულად. VW -ს ჯერ-ჯერობით განახლებების სრული სია არ წარმოუდგენია, მაგრამ უკვე ცნობილია რომ განახლებული Caddy 2015 მიიღებს იძულებითი დამუხრუჭების სისტემას.

დამატებითი აღჭურვილობებიდან ხელმისაწვდომია ადაპტირების უნარის მქონე კრუიზ კონტროლერი, პარკინგ კონტროლი, ნავიგატორი, ორი ვერსიის მულტიმედიური სისტემა და ასევე სისტემა, რომელიც აკონტროლებს მძღოლის დაღლილობას. ავტომობილი აღიჭურვება სამი ბენზინის ძრავებით, რომელთა მოცულობაც იქნება 1,0 დან 1,4 ლიტრამდე და ოთხი ტურბოდიზელის ძრავებით (75 -დან 150 ცხ.ძ.-მდე). ძრავები აკმაყოფილებენ ევრო-6 -ის სტანდარტებს და გამოირჩევიან შესანიშნავი ეკონომიურობით. ბოლოს კი დავამატებთ იმას, რომ ავტომობილი ევროპის ბაზარზე გამოვა ამ წლის ზაფხულში და გერმანიაში მისი ფასი იქნება 14 785 ევრო.

ნახეთ Caddy -ს ფოტორები და გაუზიარეთ მეგობრებს.