Published on: 25 November 2019

მსოფლიოში ყველაზე პატარა ველოსიპედი: ფასი 1 დოლარი

ბოლო დროს ავტოშოუები მხოლოდ ავტომობილების გამო არ იმართება. დღითიდღე მატულობს მობილური სატრანსპორტო საშუალებების რაოდენობა. ყველაზე “არაავტომობილურ” ექსპონატად ლოს-ანჯელესის მოტორშოუზე უნდა დავასახელოთ ველოსიპედი Smacircle S1.

გადაადგილების ეს საშუალება ჯერ კიდევ 2017 წელს აჩვენეს. ბოლო ორი წლის განმავლობაში კი ახალგაზრდა სტარტაპიდან კომპანია სერიოზულ მწარმოებლად იქცა, რომელმაც Audi-სთან პარტნიორობასაც კი მოაწერა ხელი – ელექტრონული კროსოვერის e-tron-ის მყიდველებს Smacircle S1-ის მიღება სულ რაღაც 1 დოლარად შეეძლება. შტატებში აღნიშნული ველოსიპედის ფასი 1,4 ათასი დოლარია.