Tesla -მ სახელის შეცვლის შესახებ გამოაცხადა
ამერიკულმა კომპანია Tesla Motors Inc. -მა სახელის Tesla Inc. -ით შეცვლის შესახებ გამოაცხადა -იტყობინება CNN -ი. ელექტრონული ავტომობილების მწარმოებელმა კომპანიამ შესაბამისი მოთხოვნა უკვე გააგზავნა აშშ -ს ბირჟასა და ფასიანი ქაღალდების კომისიაში.
გამომცემლობა აღნიშნავს, რომ სახელწოდებაში სიტყვა “Motors” -ზე უარის თქმა შესაძლოა დაკავშირებული იყოს Tesla -ს საქმიანობის გაფართოებასა და ენერგეტიკული იმპერიის შექმნასთან. გასული წლის მიწურულს კომანიამ დაასრულა SolarCity -ის შეძენის პროცესი, რომელიც კერძო და კომერციული მომხმარებისთვის მზის ენერგიაზე მომუშავე პანელებს აწარმოებს.
ყველაფერთან ერთად Tesla -ს ხელმძღვანელმა ილონ მასკმა კომპანიის გეგმებისა და ბიზნესის გაფართოების შესახებ განაცხადა. კერძოდ კი არ გამორიცხავს, რომ Tesla შესაძლოა სატვირთო ავტომობილების, სატრანსპორო საშუალებებისა და Uber -ის ანალოგიური პროექტების შექმნით დაკავდეს.
Related Posts
ილონ მასკმა “კიბერპიკაპის” გამოშვება გადაწყვიტა →
Tesla-ს ელექტრო ქარებს ახალ “გულს” გადაუნერგავენ →
Tesla “მეორად” Model 3-ებს ოფიციალურად გაყიდის →
