Shelby -მ Super Snake -ის 50 წლის იუბილე განსაკუთრებული ვერსიით აღნიშნა
კომპანია Shelby American -მა Ford Mustang -ის ბაზაზე Super Snake -ის სპორტქარების აწყობა ზუტად 50 წლის წინ დაიწყო. ამ შემთხვევასთან დაკავშირებით Shelby -მ განსაკუთრებული ვერსია – Anniversary Edition -ი წარმოგვიდგინა.
Super Snake -ის ახალი თაობა ათწლეულების განმავლობაში ნაცადი რეცეპტით იწყობა, მაგრამ ამასთან მოდელის ისტორიაში უმძლავრესი სპორტქარის წოდებაზე პრეტენდირებს. Shelby -ში კუპესთვის 5,0 ლიტრი მოცულობის V8 ძრავა მოამზადეს, რომელიც გამოიმუშავებს 650 ცხ.ძ. -ს და ესეც საბაზისო ვერსიაში.
ტიუნერებმა რამოდენიმე ოფცის დაყენების ვარიანტი განიხილეს, რომელთა დახმარებითაც სიმძლავრის 750 ცხ.ძ. -მდე გაზრდა უპრობლემოდ იქნება შესაძლებელი.
ასეთ Ford Mustang -ს, როგორც Shelby -ში ირწმუნებიან, 0-100 კმ/სთ აჩქარების 3,5 წმ -ში განვითარება შეუძლია, ხოლო მილის მეოთხედის (402 მ) დაფარვა ავტომობილს 10,9 წმ -ში ახერხებს.
Shelby Mustang GT500 Super Snake -ს 20 დიუმიანი Weld Racing -ის დისკები და Michelin Pilot Sport -ის საბურავები “ჩააცვეს”.
Shelby -ში სულ 300 ასეთ Super Snake -ს გამოუშვებენ, რომელთაგან თითოეულის ფასი მინიმუმ 70 000 დოლარიდან დაიწყება.
Related Posts
Mustang-ის კროსოვერი ოფიციალურად იქნა წარმოდგენილი →
“მუსტანგი ელემენტებზე” – ბრიტანული სტარტაპის პროექტი →
ლეგენდალური ტრასა პირველად გაიარეს დრიფტით →
