Published on: 10 August 2015

Honda -მ ორკარა Accord -ი განაახლა

Honda -მ Accord -ის ორკარა ვერსია განაახლა. 2016 წლის მოდელი შეიცვალა, როგორც გარედან ისე შიგნიდანაც. ასევე მიიღო რამოდენიმე ტექნიკური განახლებაც. მას შეუძლია იტრაბახოს Acura Style გაფრომებით.

ავტომობილმა მიიღო ახალი ოპტიკა ( ძვირადღირებულ ვერსიებში სრულიად შუქდიოდური), რადიატორის ჩარჩო. ასევე უნდა აღინიშნოს დისკების ახალი ნაკრები და ახალი შეფერილობები, რომელთაგან ორი არის – Night Pearl -ი და Deep Blue Opal Metallic -ი. ისინი ხელმისაწვდომია მხოლოდ ორკარა ვერსიებში.

რაც შეეხება სალონს, აქ ცოტათი შეიცვალა მოპირკეთება, ხოლო მულტიმედია დაუმეგობრდა Android Auto და Apple CarPlay სისტემებს.

ძრავების ხაზი არ შეცვლილა Accord Coupe -ში. ავტომობილი ძველებურად აღიჭურვება 190 ცხ.ძ. -ის მქონე 2,4 ლიტრი მოცულობის და 280 ცხენის ძალის მქონე V6 ძრავებით, თუმცა 6 ცილინდრიან ძრავას დაემატა პატარა დატვირთვის დროს ცილინდრების გათიშვის ფუნქცია. Honda -ში ასევე ლაპარაკობენ გადაწყობილ სავალ ნაწილსა და უფრო ძლიერ მუხრუჭებზე.