განახლებული Hyundai i20
შემოდგომაზე ნაჩვენები ტიზერის შემდეგ Hyundai -მ ფარდა ახადა ახალი სამკარა i20 -ის საიდუმლოებებს. ხეჩბეკის გაყიდვები სავარაუდოდ შემდეგი წლის გაზაფხულზე უნდა დაიწყოს.
კლიენტებს ელოდებათ 4045 მმ სიგრძის, 1730 მმ სიგანისა და 1449 მმ სიმაღლის ავტომობილი. მისი საბარგულის მოცულობა იქნება 336 ლიტრი. გაბარიტულ ცვლილებებთან ერთად უნდა აღინიშნოს კოსმეტიკური ცვლილებებიც. ეს არის სახურავის უფრო დაბალი ზოლი და ოდნავ გაბერილი ფრთები. ავტომობილმა აგრეთვე შეიძინა რადიატორის ახალი ჩარჩო და ბამპერი.
სამკარა i20 წარმოდგენილი იქნება 1,25-1,4 ლიტრი მოცულობის ბენზინის ძრავით, რომელიც განავითარებს 84-100 ცხენის ძალას, ხოლო დიზელის ვერსიები 75 და 90 ცხენის ძალებს. ავტომობილი აგრეთვე აღჭურვილი იქნება 4 საფეხურიანი ავტომატური გადაცემათა კოლოფითა და 5 ან 6 საფეხურიანი მექანიკით.
