Published on: 17 February 2015

Coupe და Roadster მოდელები Mini -ს ხაზს ტოვებენ

Mini -მ განაცხადა ოფიციალურად, რომ Coupe და Roadster მოდელები დატოვებენ კომპანიას. მათი წარმოება შეწყდება ამ წელს.

ასეთი გადაწყვეტილების მიზეზი ის არის, რომ ეს მოდელები არ არიან მოთხოვნადი. ზემოთ ხსენებული მოდელების რიგებს შესაძლოა ძვირადღირებული Paceman -იც შეუერთდეს. გავრცელებული ინფორმაციით შესაძლოა 2015 წელი ამ მოდელისთვის წარმოების ბოლო წელი აღმოჩნდეს.

ასე რომ, Mini -ს ხაზში იქნება ხუთი წარმომადგენელი. ესენია 3 და 5 კარა ხეჩბეკები, პრაქტიკული Clubman -ი, Countryman -ი და ღია Convertible. ბოლო მოდელის ხილვა შესაძლებელი იქნება ჟენევის მარტის ავტოშოუზე, ხოლო ახალი თაობის “კლაბმენის” დებიუტი იქნება სექტემბერში ფრანკფურტში.

თეგები: clubman, Convertible, coupe, mini, paceman, roadster