Published on: 10 October 2015

ატელიე Nismo -მ გაუმჯობესებული Nissan Patrol -ი წარმოადგინა

ატელიე Nismo -მ დუბაიში თავისი სამი პროექტი წარმოადგინა : სპორტკუპე Nissan 370Z Nismo, სპორტქარი Nissan GT-R Nismo და ყველგანმავალი Nissan Patrol Nismo, რომელიც ამ სამეულიდან პირველი გამოვა გაყიდაში.

Nissan Patrol -მა მიიღო Nismo -ს ტრადიციულ ფერებში შესრულებული ახალი წინა და უკანა ბამპერები, ასევე 22 დიუმიანი Rays -ის დისკები, გაუმჯობესებული სავალი ნაწილი და საჭის მართვის სისტემა. სალონში გაჩნდა ტყავის სავარძელი Nismo -ს ლოგოტიპითა და ახალი ხელსაწყოთა პანელი. ყურადღების გარეშე არ დარჩა 5,6 ლიტრი მოცულობის ბენზინის ძრავა, რომლის სიმძლავრეც ატელიეში 405 ცხენის ძალიდან 428 ცხენის ძალამდე გაზარდეს. გაუმჯობესებების ანალოგიურ პაკეტს მიიღებენ Nissan 370Z Nismo და Nissan GT-R Nismo.