Published on: 30 June 2015

Smart -მა ForFour -ი მინი მატარებლად აქცია

Smart -ი განაგრძობს ექსპერიმენტების ჩატარებას თავისი ახალი თაობის კომპაქტურ ავტომობილებზე. ერთ-ერთი ასეთი ექსპერიმენტი ჩვენ უკვე გაგაცანით – გავიხსენოთ ForTwo-ბუმბოქსი . კომპანიის კრეატიულმა ჯგუფმა ამჯერად შემოგვთავაზა მინი მატარებელი, რომელიც აწყობილია ForFour -ის ბაზაზე და ატარებს სახელ – Forrail -ს.

შეიძლება ბევრ თქვენგანს ეს ხუმრობად მოეჩვენოს, მაგრამ არა, ის ნამდვილად არსებობს და რაც მთავარია მუშაობს. ის აწყობილია ბრიტანული Interfleet -ის მიერ, რომელიც ჩვეულებრივ დაკავებულია 70 ტონიანი ლოკომოტივებითა და სხვა მსგავსი პროექტებით. ყველაზე მნიშვნელოვან განახლებად თავისთავად უნდა აღინიშნოს ავტომობილის დისკები. მათი ზომა შეადგენს 22 დიუმს და იწონის 80 კგ -ს.