Published on: 11 December 2017

სამი ბრენდის ავტომობილები “მექანიკის” გარეშე დარჩებიან

Alfa Romeo -ს, Maserati -სა და Ferrari -ს მომავალი მოდელები მექანიკური გადაცემათა კოლოფის გარეშე იქნებიან ხელმისაწვდომი. ამის შესახებ Alfa Romeo -სა და Maserati -სა საინჟინრო განყოფილების უფროსმა რობერტო ფედელიმ პრესასთან საუბარში განაცხადა.

ტოპ-მენეჯერმა Ferrari California -ს ისტორია მოიყვანა მაგალითად. მისი სიტყვებით ავტომობილის მექანიკური ვერსიის შემუშავებისთვის ავტომწარმოებელმა 10 მლნ ევროს ინვესტიცია გააკეთა, თუმცა სულ სამი ასეთი ავტომობილი გაიყიდა.

შეგახსენებთ, რომ ადრე მსგავს გეგმებზე ლაპარაკობდნენ BMW -შიც. კერძოდ BMW M -ის მარკეტინგისა და გაყიდვების ვიცე-პრეზიდენტი პიტერ კვინტი გამოხატავდა ეჭვებს იმის შესახებ, რომ იქნებოდა თუ არა M3 -სა და M4 -ის მომავალი თაობა მექანიკური გადაცემათა კოლოფით აღჭურვილი.

თეგები: alfa romeo, bmw, Ferrari, maserati, მექანიკა, მექანიკური გადაცემათა კოლოფი