Published on: 03 October 2015

Mercedes-Benz Gelandewagen -ის შექმნის ისტორია

დრაივერი გთავაზობთ მოკლე ისტორიას იმის შესახებ, თუ როგორ შეიქმნა საკულტო Mercedes-Benz Gelandewagen -ი და 40 წლის წინ რა მნიშვნელოვანი როლი ითამაშა ამაში ირანელმა შახმა.

“გელენდვაგენი” – ეს არის ცოცხალი ლეგენდა ყველგანმავლების სამყაროში. ეს ავტომობილი რომის პაპის ავტოფარეხშიც კი არის. მაგრამ ცოტამ თუ იცის, რომ Gelandewagen -ის ისტორია ჯერ კიდევ 1926 წელს დაიწყო, როდესაც შეიქმნა ექსპერიმენტალური Mercedes-Benz G1, რომელიც გამავლობის გაუმჯობესების მიზნით აღიჭურვა უკანა დამატებითი ხიდით.

პროტოტიპი G1 და მისი შთამომავლები G2 და G3 სერიულ წარმოებაში არ გაეშვნენ. Mercedes-benz -ის ამ ყველგანმავლების წარმოება მხოლოდ 1934 წელს დაიწყო, როდესაც G4 მოდელის მცირესერიული ნაკრების ორგანიზება მოხდა. ეს ექვსმეტრიანი ავტომობილი აღიჭურვა Mercedes-Benz -ის სპორტული მოდელების 500K -ისა და 540K -ის ძრავებით (კომპრესორის გარეშე). ეს იყო მესამე რეიხის ავტომობილი.

სამი წლის განმავლობაში Mercedes-benz G4 -ის მხოლოდ 57 ეგზემპლარი იქნა აიწყო, რის შემდეგაც კომპანიამ ყველგანმავლის ახალი ვარიანტი გაუშვა წარმოებაში – სამხედრო მოდელი G5.

ამ ნაკლებადმიმზიდველ ავტომობილს პატარა გაბარიტის მქონე კუზაოთი და სუსტი ძრავით, ჰქონდა ერთი უნიკალური განსაკუთრებულობა: უკანა ბორბლების ტრიალის სისტემა. ანუ G5 იყო არამხოლოდ სრულამძრავიანი, ასევე “სრულმანევრირებადიც”.

ბოლო მოდელის გამოშვება ხდებოდა 1937-1941 წლებში და მისმა რაოდენობამ შეადგინა 378 ეგზემპლარი, თუმცა ცნობადობით იგი საგრძნობლად ჩამორჩებოდა გიგანტ G4 -ს.

Gelandewagen -ის თანამედროვე ისტორია სათავეს იღებს 1972 წლიდან, როდესაც ავსტრალიურმა კომპანიამ Steyr-Daimler-Puch AG -მ Mercedes-Benz -თან ერთობლივი პროექტის ფარგლებში დაიწყო ყველგანმავალზე მუშაობა, სახელწოდებით H2. Mercedes-Benz -ის მარკეტინგულმა ნაწილმა Steyr-Daimler-Puch AG -ს კონსტრუქტორულ ბიუროს მისცა დავალება, რომ ეს უნდა ყოფილიყო უნივერსალური ავტომობილი, რომელიც ერთდროულად გამოსადეგი იქნებოდა როგორც სამხედრო დანიშნულებისთვის, ასევე კერძო პირებისთვისაც.

ავსტრალიელებმა ოპერატიულად იმუშავეს: ყველგანმავლის სრულფასოვანი მაკეტი, რომელიც ხისგან იყო დამზადებული, მზად იყო 1973 წლის გაზაფხულისთვის. ერთი წლის შემდეგ კი მომავალი Gelandewagen -ის სავალი ცდები დაიწყო.

ერთი სიტყვით, უცნობია თუ როგორი იქნებოდა მოდელის ბედი თუ არა ზუსტად 40 წლის წინ, 1975 წელს მომხდარი ფაქტი, რომელმაც პროექტს დიდი ბიძგი მისცა. ყველგანმავლის შესახებ შეიტყო ირანის შახმა მოჰამედ რეზა პეჰლევიმ. პროტოტიპთან გაცნობის შემდეგ, შახმა ნამდვილი სამეფო ჟესტი გააკეთა, ერთდროულად 20 ათასი ასეთი ავტომობილი შეუკვეთა თავისი ჯარისთვის. მაგრამ, დაწყებული საქმის ბოლომდე მიყვანა შახს არ დასცალდა – ირანში მომხდარმა სამეფო გადატრიალებამ აიძულა იგი აშშ -ს შეეფარებინა თავი. ახალმა ირანულმა მთავრობამ უარი თქვა კონტრაქტის პირობების შესრულებაზე, თუმცა კონცერნ Daimler-Benz -ის ხელმძღვანელობას, რომელმაც დიდი სახსრები დახარჯა მოდელის სერიულ წარმოებაზე, უკან დასახევი გზა არ ჰქონდა.

1979 წლის 10 თებერვალს ავსტრალიაში არსებული კონვეიერიდან ჩამოვიდა პირველი სერიული Gelandewagen -ი. ამ მოდელს ჰქონდა მყარი ღერძი, აღიჭურვა მერსედესის საიმედო ძრავებით, ასევე სრულამძრავიანობის სისტემით.

ავტომობილს სამ ვარიანტში უშვებდნენ: უნივერსალი გრძელი და მოკლე ბაზით, ასევე კაბრიოლეტი.

პირველი პარტიების ავტომობილები არ მოხვდნენ კერძო ხელებში და გაემგზავრნენ სამხედრო სამსახურში. დასაწყისისთვის G-Class -ი გამოსცადეს ავსტრიელმა მეომრებმა, ხოლო შემდეგ გერმანიის, არგენტინის, ნორვეგიის, შვეიცარიისა და სხვა ქვეყნების მეომრებმა.ჩვეულებრივ მყიდველებსაც ავტომობილი ძალიან მოეწონათ, ამასთან საკმაოდ მალე “სამოქალაქო” ვერსიების წარმოებამ სამხედროებს გაუსწრო.

დროთა-დრო Gelandewagen -ი სამხედრო ავტომობილის შესაფერისი ნაკლებად ხდებოდა. მის აღჭურვილობაში გამოჩნდნენ ისეთი პარამეტრები, როგორებიცაა: ავტომატური გადაცემატა კოლოფი, კონდიციონერი, ტყავის სალონი, ადვილად დნობადი დისკები. ავტომობილმა ასევე მიიღო უსაფრთხოების თანამედროვე სისტემები: ABS -ი, ESP -ი და აირბაგები. შემდგომ ავტომობილს ხელი მოჰკიდეს ტიუნინგ ატელიეებმა, მათ შორის ყველასთვის კარგად ცნობილმა AMG -იმ. ასევე კომპანიებმა, რომლებიც დაკავებულები არიან ავტომობილების ბრონირებით.

ყველაზე ცნობილი ბრონირებული Mercedes-Benz G-Class -ი გახდა რომის პაპის ავტომობილი, რომელიც დამზადდა 1980 წელს სპეციალურად იოანე პავლე II -ისთვის.