Hyundai Santa Fe -მ განახლება განიცადა
დღევანდელმა, Hyundai Santa Fe -ს რიგით მესამე თაობამ 2015 სამოდელო წლისთვის განახლებების რიგი განიცადა. პოპულარული ყველგანმავალი, რომელიც ორ ვერსიაში გამოდის, პრაქტიკულად არ შეცვლილა გარეგნულად, სამაგიეროდ მიიღო რამოდენიმე სასარგებლო პარამეტრი და ტექნიკური გაუმჯობესება. ამასთან ერთად ძრავების ხაზი დარჩა უცვლელი.
2015 წლის Santa Fe -ს გარჩევა გარეგნულად წინა მოდელებისგან შესაძლებელია მხოლოდ ორფერა ჩარჩოთი და ორი ახალი ფერით; ღია-ვერცხლისფერით და ნაცრისფერით. სამაგიეროდ განსხვავება წინა მოდელებთან შედარებით მართვასა და კომფორტს შორის საგრძნობლად იქნება შესამჩნევი. საჭის გამაძლიერებელში გამოყენებულმა 32 ბიტიანმა მიკროპროცესორმა გაზარდა მისი მგრძნობელობა და რეაგირება.
ბაზურ კომპლექტაციაში Santa Fe -ს უკვე გააჩნია დღის განათება, შუშის ავტომატური ამწევი მგზავრის მხრიდან და სარკე “მკვდარი ზონისთვის”. Kia Sedona -სგან გადმოიღეს საბარგულის კარების უკონტაქტო გაღების ტექნოლოგია. საკმარისია გასაღებით მივუახლოვდეთ ავტომობილს უკანა მხრიდან და 3 წამში საბარგულის კარები იღება.
