Published on: 13 February 2015

BMW -მ 2-Series Active Tourer -ს სავარძლების მესამე რიგი დაუმატა

BMW 2-Series Active Tourer -ის ოჯახი ოფიციალურად შეივსო შვიდადგილიანი ვერსიით. ახლი მოდელი საგრძნობლად განსხვავდება ძველი მოდელისგან მომატებული ზომებით და ასევე შეიცვალა სახელი Gran Tourer -ით. გაყიდვები დაიწყება ზაფხულში.

უნდა ითქვას, რომ სტანდარტულად ახალი მოდელი ძველებურად ხუთ ადგილიანია, სურვილის შემთხვევაში შესაძლებელია მესამე რიგის დამატება. Gran Tourer -ი გაიზარდა სიგრძეში 214 მმ -ით (4556 მმ მთლიანი სიგრძე) და სიმაღლეში 53 მმ-ით (1608 მმ).

რათქმაუნდა, გაბარიტებში გაზრდამ გარეგნობაზეც იმოქმედა, მაგრამ ყველაზე მთავარი აქ გაზრდილი საბარგულია. სტანდარტულად ის იტევს 645 ლიტრს, ხოლო უკანა სავარძლების დაკეცვის შემთხვევაში მოცულობა იზრდება 1905 ლიტრამდე.

ყველაფერი ამის მოძრაობაში მოყვანა შეუძლია თქვენი არჩევით – ორ ბენზინისა ან სამ დიზელის ძრავას. პირველი წარმოდგენილია 1,5 ლიტრი მოცულობის მქონე სამცილინდრიანი ძრავის სახით, რომელიც ანვითარებს 136 ცხენის ძალას. ასევე 4 ცილინდრიანი ბენზინის ძრავით, რომელიც ანვითარებს 192 ცხენის ძალას. დიზელის ვარიანტში ხელმისაწვდომია 116-(270 ნმ), 150-(330 ნმ) და 190 (400 ნმ) ცხენის ძალის მქონე აგრეგატები, რომელთა მოცულობაც 1,5-2,0 ლიტრია.

ავტომობილის ნახვა შესაძლებელი იქნება მარტში, ჟენევის ავტოშოუზე.