Published on: 29 November 2014

ახალი SKODA FABIA რალისთვის მზად არის

Skoda -მ Fabia R5 ის წინამორბედის სარალო ვერსიის საიდუმლოებებს ფარდა ახადა, რომლის საბრძოლო დებიუტიც მომავალ წელს შედგება. პროტოტიპის პირველი საჯარო ჩვენება დაგეგმილია ავტოშოუზე ესსენეში.

გარეგნულად ნათელი შეფერილობის გარდა ავტომობილში ყურადღებას იქცევს მკაცრი ბამპერები, უკანა საბარგულის თავზე დამონტაჟებული ანტიკრილო და ცენტრალურად განთავსებული გამოსაბოლქვი სისტემის მილი.

ავტომობილში გაუმჯობესებულია სავალი ნაწილები და სამუხრუჭე სისტემა. აღჭურვილია 1,6 ლიტრიანი 4 ცილინდრიანი ტურბო ძრავით, რომელიც დაკავშირებულია 5 საფეხურიან გადაცემათა კოლოფთან.

ყველა ტექნიკურ მახასიათებელზე Skoda ჯერ-ჯერობით არ ლაპარაკობს, მაგრამ სავარაუდოდ ძრავის სიმძლავრე მიაღწევს 300 ცხენის ძალას. ასე რომ დაველოდოთ ავტოშოუს დაწყებასა და WRC -ს ახალ სეზონს რათა უფრო სრულად ვნახოთ ახალი Fabia -ს შესაძლებლობები.